Ҳиндистонда иккита қирувчи самолёт ҳалокатга учради
Ҳиндистон Ҳарбий-ҳаво кучларининг бирданига иккита қирувчи самолёти – Россияда ишлаб чиқарилган Су-30 ва Франциянинг Mirage 2000 самолётлари Ҳиндистоннинг Мадхя-Прадеш штатида ҳалокатга учради, деб хабар бермоқда Ani ахборот агентлиги.
“Иккита самолёт машғулотлар ўтказилган Мадхя-Прадеш штатидаги Гвалиор авиабазасидан ҳавога кўтарилди”, — деди агентликка Ҳиндистон Мудофаа вазирлигидаги манба.
Ҳалокат содир бўлган жойда қутқарув ишлари бошланган, қирувчи самолётлар учувчиларнинг аҳволи ва ҳалокат сабаблари ҳозирча маълум қилинмаган.