Hindistonda ikkita qiruvchi samolyot halokatga uchradi
Hindiston Harbiy-havo kuchlarining birdaniga ikkita qiruvchi samolyoti – Rossiyada ishlab chiqarilgan Su-30 va Fransiyaning Mirage 2000 samolyotlari Hindistonning Madxya-Pradesh shtatida halokatga uchradi, deb xabar bermoqda Ani axborot agentligi.
“Ikkita samolyot mashg‘ulotlar o‘tkazilgan Madxya-Pradesh shtatidagi Gvalior aviabazasidan havoga ko‘tarildi”, — dedi agentlikka Hindiston Mudofaa vazirligidagi manba.
Halokat sodir bo‘lgan joyda qutqaruv ishlari boshlangan, qiruvchi samolyotlar uchuvchilarning ahvoli va halokat sabablari hozircha ma’lum qilinmagan.
