Жорий йил Самарқандда мамлакатимизда илк бор болаларда юрак очиқ жарроҳлик амалиёти бажарилди
Самарқанд вилоятида болаларга кўрсатилаётган ихтисослаштирилган тиббий хизматни яхшилаш мақсадида вилоят болалар кўп тармоқли тиббиёт марказидаги “Болалар кардиохирургияси” бўлимига 1 миллиард 890 миллион сўмлик маҳаллий бюджет маблағлари эвазига сунъий қон айлантирувчи (АИК) аппарат олиб берилди.
Бу билан Республикада илк бор 10 килограмм вазндан кам бўлган болаларда юракда очиқ жарроҳлик амалиёти бажарилишига эришилди ва бугунги кунгача 320 та очиқ турдаги жарроҳлик операциялари муваффақиятли ўтказилди.
