Кейинги 2 ойда Россиядаги ўзбек муҳожирларининг маошини вақтида ололмаётгани ҳақидаги мурожаатлар кескин ошди
Бу ҳақда АОКАда ўтказилган матбуот анжуманида Ташқи меҳнат миграцияси агентлиги бошқарма бошлиғи Азим Ахматов маълум қилди.
Февраль-март ойларида мигрантларимиздан келиб тушаётган мурожаатларнинг мазмуни кўпроқ ўзгарган. Масалан, ўтган икки ойда 2,2 мингдан ортиқ фуқарога ҳуқуқий ёрдам кўрсатилган бўлса, бунинг 1,3 мингдан ортиғи иш ҳақини вақтида ололмаслик билан боғлиқ мурожаатлар ташкил этган.
Илгари бу мазмундаги мурожаатлар 10-15 фоиз атрофида бўлган. Бироқ сўнгги ойда унинг даражаси кескин ошган.
