Контракт тўловини амалга оширолмаган талаба энди ўқишдан четлатилмаслиги мумкин
АОКАдаги брифингда бу ҳақда айтилди:
- Агар талабанинг вазияти оғир бўлса, талабанинг қурби тўлашга етмаса, олий ўқув юрти вазиятни ўрганиб чиқиб, шу талабага ёрдам бериб, контрактни қоплаш чораси кўрилади. Талаба эндиликда контрактни тўлай олмаса, у четлатилмайди, балки курсдан-курсга қолдирилиши масаласи кўриб чиқилади, - деди Олий ва ўрта махсус таълим вазири Иномжон Мажидов.
Маълумот учун, бунда ОТМ томонидан вазият тўлиқ ўрганилгач, қарор қабул қилинади.
