Копенгагенда отишма оқибатида уч киши ҳалок бўлди, Канадада беш киши яраланди

Отишма Дания пойтахти Копенгагендаги Field's савдо марказида содир бўлди, яна уч киши оғир аҳволда, дея хабар бермоқда Associated Press полицияга таяниб.

Воқеа якшанба куни кечқурун содир бўлган, ваҳимага тушган мижозлар марказдан қочишга ҳаракат қилишган.

Бир киши ҳибсга олинган. Пойтахт полицияси раҳбари Сорен Томассен айтишича, гумонланувчи 22 ёшли даниялик бўлиб, ҳужум сабаблари номаълум.

Шунингдек, Канаданинг Викториявил шаҳрида бир киши беш кишини пневматик қурол билан яралади, деб хабар бермоқда Journal de Montréal полицияга таяниб.

Гувоҳларнинг сўзларига кўра, гумонланувчи қўлида тўппончага ўхшаш буюм тутган ва йўлда одамларга таҳдид қилган. Жиноятчи қўлга олинган.