Коронавирус устидан ғалаба қозонган давлатлар эълон қилинди

Жанубий Корея, Австралия ва Янги Зеландия коронавирус пандемияси билан бўлиб ўтган тўқнашувда ғолиб бўлишди. Бу ҳақда мутахассислар ҳисоботига таяниб, CNBC телеканали маълум қилди.

Бутун дунё коронавирус инфекцияси билан жанг олиб бораётган бир вақтда, Австралия, Янги Зеландия ва Жанубий Корея давлатлари секин-аста  олдинги ҳаёт тарзига қайтмоқда.

Ушбу давлатлардаги чекловлар бекор қилиниши ва иқтисодиётнинг қайта йўлга қўйилиши уларни сармоядорлар учун энг қулай ва ишончли мамлакатларга айлантирмоқда. Шу сабабдан ҳам ушбу мамлакатларнинг миллий валюта қиймати рекорд даражада мустаҳкамланди.

Мутахассисларнинг фикрига кўра, Жанубий Корея, Австралия ва Янги Зеландия давлатларидаги вазият дунёнинг бошқа мамлакатларидан сезиларли фарқ қилади. Мазкур давлатлар иқтисодиётининг мустаҳкамланишига аста-секинлик билан коронавирус хуружидан тикланаётган Хитой ҳам асосий сабабчи бўлади.