Koronavirus ustidan g‘alaba qozongan davlatlar e’lon qilindi
Janubiy Koreya, Avstraliya va Yangi Zelandiya koronavirus pandemiyasi bilan bo‘lib o‘tgan to‘qnashuvda g‘olib bo‘lishdi. Bu haqda mutaxassislar hisobotiga tayanib, CNBC telekanali ma’lum qildi.
Butun dunyo koronavirus infeksiyasi bilan jang olib borayotgan bir vaqtda, Avstraliya, Yangi Zelandiya va Janubiy Koreya davlatlari sekin-asta oldingi hayot tarziga qaytmoqda.
Ushbu davlatlardagi cheklovlar bekor qilinishi va iqtisodiyotning qayta yo‘lga qo‘yilishi ularni sarmoyadorlar uchun eng qulay va ishonchli mamlakatlarga aylantirmoqda. Shu sababdan ham ushbu mamlakatlarning milliy valyuta qiymati rekord darajada mustahkamlandi.
Mutaxassislarning fikriga ko‘ra, Janubiy Koreya, Avstraliya va Yangi Zelandiya davlatlaridagi vaziyat dunyoning boshqa mamlakatlaridan sezilarli farq qiladi. Mazkur davlatlar iqtisodiyotining mustahkamlanishiga asta-sekinlik bilan koronavirus xurujidan tiklanayotgan Xitoy ham asosiy sababchi bo‘ladi.
