Коронавирусдан тузалган инсон вирус ташувчи бўлиб қоладими?
Ушбу саволга АОКАда бўлиб ўтган брифингда Коронавирусга қарши кураш штаби аъзоси Барно Абдусаматова жавоб берди:
- Коронавирус касаллиги тузаладиган касаллик. Бу инфекция билан зарарланиш бутун ҳаёти давомида вирус ташувчиси бўлиб қолади дегани эмас.
COVID-19 юқтириб олган инсонларнинг кўпчилиги тузалиб кетади, вирус эса организмдан чиқиб кетади. Инсон симптомлар пайдо бўлгандан 10 кун давомида инфекция ташувчиси бўлади (агар белгилар бўлса), бу инфекция юққандан тахминан 2 ҳафтани ташкил этади.
Биринчи симптомлар пайдо бўлган кундан энг камида 10 кун ва тузалгандан кейин яна 3 кун ўтиши керак.
