Нарпайда ўтин учун 4 туп тут дарахти кесиб ташланди

Нарпай тумани экология ва атроф-муҳитни муҳофаза қилиш соҳасидаги назорат инспекцияси давлат инспекторлари "Ипак йўли" маҳалласи ҳудудида ўтказган кузатув рейди давомида юқоридаги ҳолатга дуч келган. Бу ҳақда вилоят экология ва атроф-муҳитни муҳофаза қилиш бошқармаси ахборот хизмати хабар бермоқда.

Мазкур маҳаллада яшовчи Ю.А. “Йўлдош-Тошназар” фермер хўжалиги ҳудудидан оқиб ўтувчи хўжалик ариғи чекка қисмида ўсиб турган 4 туп тут дарахтини ўтин қилиш мақсадида ноқонуний равишда кесиб ташлаган.

Унга нисбатан базавий ҳисоблашнинг 5 баробари, яъни 1 350 000 сўм миқдорида жарима белгиланган. Шунингдек, ўсимлик дунёсига етказилган зарар 12 420 000 сўм ҳисобланиб, ундириш чоралари кўрилмоқда.