Ногиронлиги бор абитуриентлар учун Самарқанддаги олий таълим муассасаларига қанча ўрин ажратилди?

Республика олий таълим муассасаларига абитуриентларни қабул қилишнинг умумий сонига нисбатан ногиронлиги бўлган шахслар учун қўшимча икки фоизли давлат гранти асосидаги қабул кўрсаткичлари белгиланди. Хусусан, Самарқанд вилоятидаги олий таълим муассасаларига қуйидаги миқдорда ногиронлиги бўлган шахслар учун ўрин ажратилди:

Самарқанд давлат университетига – 46 ўрин (34 кундузги, 6 сиртқи, 6 кечки);

Шунингдек, университетнинг Каттақўрғон филиалига – 9 ўрин (8 кундузги, 1 сиртқи);

Ургут филиалига – 8 ўрин (кундузги);

Ўзбекистон-Финландия педагогика институтига – 41 ўрин (29 кундузги, 12 кечки);

Самарқанд давлат чет тиллар институтига – 59 ўрин (40 кундузги, 19 кечки);

Самарқанд иқтисодиёт ва сервис институтига – 46 ўрин (20 кундузги, 13 сиртқи, 13 кечки);

Самарқанд ветеринария медицинаси, чорвачилик ва биотехнологиялар университетига – 37 ўрин (28 кундузги, 9 сиртқи);

Самарқанд давлат архитектура-қурилиш институтига – 41 ўрин (35 кундузги, 6 сиртқи);

Самарқанд давлат тиббиёт университетига – 22 ўрин (кундузги);

Тошкент ахборот технологиялари университети Самарқанд филиалига – 16 ўрин (10 кундузги, 4 сиртқи, 2 масофавий);

“Ипак йўли” туризм ва маданий мерос халқаро университетига – 9 ўрин (7 кундузги, 2 сиртқи);

Тошкент давлат иқтисодиёт университети Самарқанд филиалига – 11 ўрин (8 кундузги, 3 сиртқи);

Тошкент давлат аграр университети Самарқанд филиалига – 14 ўрин (12 кундузги, 2 сиртқи).