"Парламент ўйинлари": Самарқандда ушбу нуфузли спорт мусобақасининг биринчи куни якунланди

Бугун халқ депутатлари Самарқанд вилоят, туман, шаҳар Кенгашлари депутатлари ўртасида спортнинг волейбол ва бадминтон турлари бўйича Ўзбекистон Республикаси Олий Мажлиси Сенати раиси кубоги учун “Парламент ўйинлари” спорт мусобақаларининг вилоят босқичи бошланди.

Мазкур мусобақалар – сенаторлар ва халқ депутатлари маҳаллий Кенгашлари депутатлари, Сенат ҳузуридаги Ёшлар парламенти аъзоларини жисмоний тарбия ва спорт билан мунтазам шуғулланишга жалб қилиш, спортни оммалаштириш ва уни янада ривожлантиришга хизмат қилади.
Мусобақа якунига кўра, спортнинг волейбол туридан Булунғур тумани жамоаси 1-ўринни, Пахтачи тумани жамоаси 2- ва Қўшработ тумани жамоаси 3-ўринни қўлга киритди.
Шунингдек, аёллар ўртасидаги спортнинг бадминтон тури бўйича беллашувда Каттақўрғон туманидан Нигора Шодиева 1-ўринга, Самарқанд шаҳридан Насиба Алимова 2- ва Булунғур туманидан Севара Жумақулова 3-ўринга лойиқ деб топилди.

Жасурбек ШУКУРОВ.