Президент Қосим-Жўмарт Тўқаев Қозоғистонда президентлик сайлови қачон ўтказилишини маълум қилди

Қозоғистонда вақтинчалик президентлик қилаётган Қосим-Жўмарт Тўқаев мамлакатда президентлик сайлови қачон ўтказилишини маълум қилди.

Бу ҳақда Қозоғистон президенти матбуот хизматига таяниб mk.ru хабар бермоқда.

Қосим-Жўмарт Тўқаев Назарбоев истеъфоси ортидан Қозоғистондаги муддатидан олдин  ўтказиладиган президентлик сайлови жорий йилнинг 9 июнь куни ўтказилишини маълум қилди.

Эслатиб ўтамиз, Қосим-Жўмарт Тўқаев Назарбоев истеъфосидан сўнг парламент спикери вазифасидан вақтинчалик президент вазифасига ўтган эди. У президентлик фаолиятини бошлаши билан мамлакат пойтахти номини Остонадан Нур-Султонга ўзгартирди.