Prezident Qosim-Jo‘mart To‘qayev Qozog‘istonda prezidentlik saylovi qachon o‘tkazilishini ma’lum qildi

Qozog‘istonda vaqtinchalik prezidentlik qilayotgan Qosim-Jo‘mart To‘qayev mamlakatda prezidentlik saylovi qachon o‘tkazilishini ma’lum qildi.

Bu haqda Qozog‘iston prezidenti matbuot xizmatiga tayanib mk.ru xabar bermoqda.

Qosim-Jo‘mart To‘qayev Nazarboyev iste’fosi ortidan Qozog‘istondagi muddatidan oldin  o‘tkaziladigan prezidentlik saylovi joriy yilning 9 iyun kuni o‘tkazilishini ma’lum qildi.

Eslatib o‘tamiz, Qosim-Jo‘mart To‘qayev Nazarboyev iste’fosidan so‘ng parlament spikeri vazifasidan vaqtinchalik prezident vazifasiga o‘tgan edi. U prezidentlik faoliyatini boshlashi bilan mamlakat poytaxti nomini Ostonadan Nur-Sultonga o‘zgartirdi.