Қайси мамлакатда маҳбуслар кўп?

Дунёда маҳбуслар сони бўйича АҚШ биринчи ўринда туради. Ҳозирда у ерда 2,2 миллион киши қамоқхоналарда жазо ўтаяпти.

Иккинчи ўринда Хитой – 1,65 миллион киши. Учинчи ўринда эса Бразилия.

Ҳозир Бразилияда 607 минг маҳбус озодликка чиқиш учун кун санаяпти.

***

Соғувчи ўрнига робот

Жаҳон сут саноати соҳасида роботлаштириш жадал боряпти. Бу жараён, айниқса, Германия, Канада ва АҚШда авжида.

Дунёда фермаларда айни пайтда аллақачон 60 минг робот «меҳнат» қиляпти. Россияда уларнинг сони ҳозирча 800 та. Улар 50 минг бош сигирни соғяпти.

Келажакда робот соғувчиларни алмаштиради. Аммо фермаларни роботлаштириш қорамоллар зотини яхшилаш, чорвачиликни юксак даражада механизациялаш, чорвадорларни юқори малакали бўлишини талаб қилади. Олимларнинг кейинги муаммоси шунда.

Т.Шомуродов тайёрлади.