Qaysi mamlakatda mahbuslar ko‘p?

Dunyoda mahbuslar soni bo‘yicha AQSh birinchi o‘rinda turadi. Hozirda u yerda 2,2 million kishi qamoqxonalarda jazo o‘tayapti.

Ikkinchi o‘rinda Xitoy – 1,65 million kishi. Uchinchi o‘rinda esa Braziliya.

Hozir Braziliyada 607 ming mahbus ozodlikka chiqish uchun kun sanayapti.

***

Sog‘uvchi o‘rniga robot

Jahon sut sanoati sohasida robotlashtirish jadal boryapti. Bu jarayon, ayniqsa, Germaniya, Kanada va AQShda avjida.

Dunyoda fermalarda ayni paytda allaqachon 60 ming robot «mehnat» qilyapti. Rossiyada ularning soni hozircha 800 ta. Ular 50 ming bosh sigirni sog‘yapti.

Kelajakda robot sog‘uvchilarni almashtiradi. Ammo fermalarni robotlashtirish qoramollar zotini yaxshilash, chorvachilikni yuksak darajada mexanizatsiyalash, chorvadorlarni yuqori malakali bo‘lishini talab qiladi. Olimlarning keyingi muammosi shunda.

T.Shomurodov tayyorladi.