Қутқарувчилар ёнғин пайтида 3 нафар боланинг ҳаётини сақлаб қолди

Жорий йилнинг 16 августь куни Хоразм вилояти Урганч шаҳри Маҳтумқули кўчасидаги 94-уйда ёнғин юз берган. Бу ҳақда ФВВ ЁХББ ОАВ билан ҳамкорлик қилиш бўлинмаси хабар берди.

Воқеа жойига 3 та ёнғин ўчириш бўлинмалари юборилган. Бўлинмалар кўрсатилган манзилга 6 дақиқада етиб борган. Кўрилган тезкор ҳаракатлар натижасида ёнғин соат 20:05 да қуршаб олинган ва соат 20:45 да тўлиқ ўчирилган. Ёнғин ўчирувчилар томонидан уй эгасининг 3 нафар 2009, 2014 ва 2018 йилларда туғилган набиралари қутқарилган ҳамда уйнинг 130 квадрат метр майдони сақлаб қолинган.

Ёнғин оқибатида уйнинг 70 квадрат метр майдонида - томи, шифти, уй жиҳозлари ҳамда уй эгасига тегишли “DAMAS” русумли автомобили ёниб зарарланган.

Ҳодисага электр симларидаги қисқа туташув сабаб бўлгани тахмин қилинмоқда. Моддий зарар миқдори аниқланмоқда.