Каттақўрғон туманида ФВБ ташаббуси билан танқидий муҳокама йиғилиши ўтказилди

Каттақўрғон тумани ҳокимлигида ўтган йиғилишда 2023-2024 йилларда туманда ёнғинлар, газ-ҳаво аралашмасининг чақнаши ва ис газидан заҳарланиш ҳолатлари бўйича вазият қониқарсиз, деб топилгани айтилди.

Хусусан, 2023-2024 йилларда туманда жами 115 та ёнғин қайд этилиб, уларда 1 нафар фуқаро ҳалок бўлган, 2 нафари жароҳатланган. Ёнғинлардан кўрилган моддий зарар миқдори 2 миллиард сўм атрофида.

Бундан ташқари, фуқароларнинг ис газидан заҳарланиши билан боғлиқ нохуш ҳолатлар 2 тани ва ҳаво-газ араламасининг чақнаши ҳолати 5 тани ташкил қилган.

Туман масъуллари огоҳликка чақирилиб, вазиятни яхшилаш юзасидан аниқ вазифалар белгилаб олинди.