Россияда WhatsApp, Facebook, Instagram ва YouTube тўлиқ блокланди

“Роскомнадзор” хорижий оммабоп интернет-платформаларни тўлиқ блоклаш бўйича чоралар кўрди. WhatsApp, Facebook, Instagram (Meta компаниясига тегишли, РФда экстремистик деб топилган ва тақиқланган) ҳамда YouTube ва айрим ОАВ сайтларига киришга уринганда, фойдаланувчилар доменлар мавжуд эмаслиги ва уларнинг IP-манзиллари тармоқ реестрларидан ўчирилганига дуч келишди.

Техник жиҳатдан Россия ҳудудида мазкур барча ресурсларга кириш тўлиқ тўхтатилган.

«Осторожно, новости» нашри сўровига жавобан “Роскомнадзор” тўлиқ блокировка сабаблари ҳақида изоҳ бермади ва маълумот кейинроқ тақдим этилишини билдирди.

Аввалроқ давлат думаси депутатлари чекловлар жорий этилиши ҳақида бир неча бор огоҳлантирган эди. Январда давлат думасининг ахборот сиёсати қўмитаси раис ўринбосари Андрей Свинцов “Роскомнадзор” йил охиригача WhatsApp‘ни «батамом блоклаш бўйича комплекс чоралар» кўрилишини прогноз қилган. Бунга мессенжернинг Meta компаниясига тегишли экани сабаб қилиб кўрсатилган.