Самарқанд шаҳридаги 9-умумтаълим мактаби ихтисослаштирилган таянч мактабга айлантирилади
Самарқанд вилояти ҳокимининг жорий йил 24 ноябрдаги қарорида қайд этилишича, мазкур таълим муассасаси негизида информатика ва ахборот технологияларини чуқурлаштириб ўқитишга ихтисослаштирилган таянч мактаб ташкил этилади.
“Бир миллион дастурчи” лойҳасини мактаб ўқув дастурларига интеграция қилиш орқали ўқувчиларга ахборот технологиялари ва компьютерда дастурлаш асосларининг чуқур ўргатилишини ташкил этиш, ўқув дастурларининг рақамли иқтисодиёт талабларига мослашишини таъминлаш ва бу борада таълим ҳамда илмий-тадқиқот муассасалари, давлат идоралари ва тармоқ корхоналари билан ҳамкорликни ривожантириш ихтисослаштирилган таянч мактабнинг асосий вазифаларидан ҳисобланади.
