Самарқанд туманида “Халқ кутубхонаси” ташкил этилди
Самарқанд туманидаги Найзатепа маҳалласида туман прокурори ташаббуси билан “Халқ кутубхонаси” ташкил этилди.
Маҳаллада бунёд этилган кутубхонада 4 мингдан ортиқ бадиий, тарихий, болалар адабиёти ва ҳуқуқий мавзудаги китоблар ўрин олган. Кутубхонани тўлдиришда маҳалла аҳли ҳам ўз ҳиссасини қўшмоқда.
- Кутубхона ёшларнинг маънавий оламини бойитишга хизмат қилади, - дейди Наим Саломов. – Асосийси, болаларнинг бўш вақтини мазмунли ташкил этиш, уларни китобга ошно бўлишларига замин яратади.
