Самарқандда карантин қоидаларига амал қилмасдан, жамоат жойида спиртли ичимлик ичган шахс 15 суткага қамалди
Самарқанд шаҳри бўйича ИИО ФМБ ходимлари томонидан фуқаро М.А. Самарқанд шаҳри Навоий шоҳ кўчасида карантин қоидаларини бузиб, ниқобсиз, мақсадсиз юрганлиги ва жамоат жойида спиртли ичимлик истеъмол қилганлиги аниқланган.
Ушбу ҳуқуқбузарлик бўйича М.А.га нисбатан маъмурий баённома расмийлаштрилиб судга оширилган.
М.А. муқаддам ҳам жамоат жойида спиртли ичимлик ичгани учун бирнеча бор маъмурий жавобгарликка тортилган. Аммо ўзига ижобий хулоса чиқармаган.
Самарқанд шаҳар маъмурий ишлар бўйича судининг 2020 йил 13 апрелдаги қарорига кўра, ҳуқуқбузар М.А. Ўзбекистон Республикаси МЖтКнинг 54-моддаси 1-қисми, 187-моддаси 2-қисми билан 15 сутка маъмурий қамоқ жазоси тайинланди.
Бу ҳақда Самарқанд вилояти ИИБ матбуот хизмати хабар берди.
