Самарқанд шаҳар кўчаларида қарама-қарши йўналишда ҳаракатланган ҳайдовчига чора кўрилди

Ижтимоий тармоқларда "Malibu" русумли автомобиль ҳайдовчиси транспорт воситасининг давлат рақам белгисини ўзбошимчалик билан ечган ҳолда Самарқанд шаҳар кўчаларида қарама-қарши йўналишда ҳаракатланиб юрганлиги акс этган видеолавҳа тарқалди.

Видео Самарқанд вилояти ИИБ йўл ҳаракати хавфсизлиги бошқармаси масъул ходимлари томонидан ўрганилди.

Қоидаларни қўпол тарзда бузиб ҳаракатланган ҳайдовчига нисбатан Маъмурий жавобгарлик тўғрисидаги Кодекснинг 125 ҳамда 128⁵-моддаси тартибида маъмурий баённома расмийлаштирилди.

"Malibu" автомобили вақтинча сақлаш учун жарима майдонига жойлаштирилди.