Самарқандда коллеж ва техникумларга кириш тест синовлари ўтказилмоқда: 8 нафар абитуриент имтиҳондан четлатилди
Самарқанд вилоятида коллеж ва техникумларга кириш учун абитуриентлардан тест синовлари олишнинг иккинчи куни давом этмоқда. Бугун имтиҳонлар Самарқанд темир йўл техникуми, Пайариқ тиббиёт коллежи, Самарқанд, Каттақўрғон ва Иштихондаги Абу Али ибн Сино номидаги жамоат саломатлиги техникумлари абитуриентлари учун ташкил этилди.
Имтиҳонлар 2 навбатда ташкил этилган. 1-навбат соат 09:00 да, 2-навбатдаги тест синовлари соат 14:00 бошланди. Тест синовларига бугун 3737 нафар абитуриент қатнашиши режалаштирилган.
Давлат тест маркази Самарқанд вилояти бўлимининг Zarnews.uz‘га маълум қилишича, бугун 6 нафар абитуриент қўл телефонидан фойдалангани, 1 нафари бировнинг ўрнига киришга урингани ва 1 нафари шпаргалка ишлатгани учун имтиҳондан четлатилган.
