Сербияда армия ўта юқори шай ҳолатга келтирилди
Сербия президенти ва Сербия армияси олий бош қўмондони Александр Вучич Сербия армиясини энг юқори шай ҳолатга келтиришни буюрди, деди Мудофаа вазири Милош Вучевич.
"Бу бизни Сербия армияси амалга ошираётган ҳаракатларга, Сербиянинг ҳудудий яхлитлиги ва суверенитетини сақлаган ҳолда Сербиянинг барча фуқароларини ҳимоя қилиш ва сербларга, улар қаерда бўлишидан қатъи назар, террорнинг олдини олишга қаратилган ҳаракатларни энг юқори даражага кўтаради" деган Вучевич.
Мудофаа вазири Президент Косово ва Метохия автоном провинциясидаги вазиятга, шунингдек, Косово Албания ҳукумати сербларга қарши ҳужумга ҳозирлик кўришда давом этаётгани ва баррикадаларни мажбуран олиб ташлашга тўғри келганига ишора қилиб, президент жанговар шайликни оширишни буюрганини таъкидлади.
Косово полицияси бир неча собиқ серб полициячини 1998-1999 йиллардаги можаро учун ҳибсга олганидан кейин Косово ва Метохиядаги кескинлик авж олди ва давом этмоқда. Бунга жавобан Косовода яшовчи серблар вилоят шимолидаги йўлларга баррикадалар ўрнатишди.
Сербия армияси 1999 йилдаги можародан кейин Косово ва Метохияни тарк этди. 2008 йилда кўпчилик этник албанлар истиқомат қиладиган минтақа бир томонлама равишда Сербиядан мустақиллигини эълон қилди. Кўпгина Ғарб давлатлари бу қадамни тан олди, аммо Белград бу ерларни Сербия давлатининг ажралмас қисми деб ҳисоблашда давом этмоқда.
