Судандаги можаро туфайли глобал озиқ-овқат саноати учун муҳим таркибий қисмни етказиб бериш мураккаблашиши мумкин
"Судандаги можаро халқаро истеъмол товарлари ишлаб чиқарувчиларини озиқ-овқат, ичимликлар ва косметика саноати учун зарур бўлган гуммиарабика маҳсулотини етказиб беришни зудлик билан кўпайтиришга мажбур қилди", деб ёзади Sky News.
Судан дунёдаги энг йирик гуммиарабика ишлаб чиқарувчиси бўлиб, глобал бозор таъминотининг қарийб 70 фоизини ташкил қилади. Ушбу маҳсулот газланган ичимликлар, ширинликлар, косметика ва бир қатор фармацевтикани ишлаб чиқаришда асосий таркибий қисм ҳисобланади.
15 апрель куни Судан пойтахти Хартум ва бошқа баъзи шаҳарларда Судан армияси ва Тезкор ҳаракат кучларининг (ТҲК) ҳарбийлаштирилган гуруҳи ўртасида оғир қуроллардан фойдаланган ҳолда тўқнашувлар юз берди.
РРФ қўмондонлиги баёнотида айтилишича, қуролли кучлар ҳеч қандай олдиндан огоҳлантирмасдан, пойтахтнинг жанубий чеккасидаги базаларидан бирини қамал қилган. Армия қўмондонлиги, ўз навбатида, ҳаракатларини РРФ кейинги пайтларда ҳарбийлар билан ҳеч қандай мувофиқлаштирилмаган ҳолда ҳаракат қилгани билан изоҳлади.
