Тойлоқдаги олти маҳаллада тиббиёт пунктлари ташкил этилди

Аҳолига бирламчи тиббий-санитария ёрдамини кўрсатиш, касалликларни профилактика қилиш ва барвақт аниқлаш мақсадида Тойлоқ туманидаги 6 та чекка ҳудудга махсус контейнерлар ўрнатилди.

Жумладан, "Ўрай-Элпок", "Тараққиёт", "Нуроний", "Қўшчинор", "Давлатобод", "Илмобод" маҳалла фуқаролар йиғинларида аҳолига тиббий хизмат кўрсатиш мақсадида биттадан тиббиёт пунктлари ташкил этиш орқали 28 055 минг аҳоли қамраб олинади. Бундан ташқари, туманнинг яна 4 та - "Чорбоғтепа", "Шопўлот", "Таллиота", "Эски Жума" маҳалласининг 8210 нафар аҳолиси учун 4 та контейнер олиб келиш чоралари кўрилмоқда.