Вилоят ҳокими “Қарнаб ота”да сайёр қабул ўтказди
Самарқанд вилояти ҳокими Эркинжон Турдимов Пахтачи туманининг олис “Қарнаб ота” маҳалла фуқаролар йиғини ҳудудида сайёр қабул ўтказди.
Унда 50 нафарга яқин қарнаботаликларнинг турли ижтимоий, иқтисодий ва маиший масалаларда қилинган мурожаатлари диққат билан тингланди. Уларни қийнаб келаётган бир қатор муаммолар ечимини топиш бўйича аниқ вазифалар белгилаб олинди.
Мавжуд мурожаатларда келтирилган муаммолар жойида ҳал этилди, мурожаатчи талаби қондирилди. Муддат тақозо этиладиган мурожаатлар бўйича тегишли мутасаддиларга топшириқлар берилди.
