Viloyat hokimi “Qarnab ota”da sayyor qabul o‘tkazdi
Samarqand viloyati hokimi Erkinjon Turdimov Paxtachi tumanining olis “Qarnab ota” mahalla fuqarolar yig‘ini hududida sayyor qabul o‘tkazdi.
Unda 50 nafarga yaqin qarnabotaliklarning turli ijtimoiy, iqtisodiy va maishiy masalalarda qilingan murojaatlari diqqat bilan tinglandi. Ularni qiynab kelayotgan bir qator muammolar yechimini topish bo‘yicha aniq vazifalar belgilab olindi.
Mavjud murojaatlarda keltirilgan muammolar joyida hal etildi, murojaatchi talabi qondirildi. Muddat taqozo etiladigan murojaatlar bo‘yicha tegishli mutasaddilarga topshiriqlar berildi.
