Хитойда зилзила туфайли 11 минг киши эвакуация қилинди

Европа Ўртаер денгизи сейсмология маркази маълумотларига кўра, сешанба куни 935 мингга яқин аҳоли истиқомат қилувчи Баошань шаҳридан 35 километр шимоли-шарқда 5,3 магнитудали зилзила содир бўлган.

Баошан шаҳридан 11 мингга яқин одамни эвакуация қилди. Бу ҳақда чоршанба куни “Синьцзинбао” газетаси хабар берди.

Унга кўра, қутқарув ишларига 2,4 минг киши сафарбар қилинган. Дастлабки ҳисоб-китобларга кўра, зилзила оқибатида 2,8 мингга яқин бино вайрон бўлган.

Ваколатли органлар 38 минг кишининг хавфсизлигини таъминлаш учун фавқулодда чоралар кўрган. Улар учун 34 та вақтинчалик бошпана ташкил этилган.

Дастлабки маълумотларга кўра, зилзила оқибатида ҳалок бўлганлар йўқ. Уч киши енгил тан жароҳати олиб, яқин атрофдаги шифохонага етказилган.