Хитойлик инвестор Иштихондаги эҳтиёжмандларга 4,5 тонна ун, 200 литр ёғ тортиқ қилди

Иштихон туманидаги “Dong stoun progress” қўшма корхонаси 1,5 миллион долларлик инвестиция киритиб, мармарни қайта ишлаш учун замонавий технологияларни олиб келган. Ҳозирги кунда бу ерда 20 нафар иштихонлик иш билан банд.

– Корхона раҳбари Ҳи Мин томонидан туман “Ҳомийлик хайрияларини мувофиқлаштириш” марказига 200 литр ёғ ва 4,5 тонна олий навли ун етказиб берди, – дейди маҳалла ва оилани қўллаб-қувватлаш бўлими бошлиғи Шаҳобиддин Ўсаров. – Ушбу хайрия кам таъминланган, боқувчисини йўқотган ва ногиронлиги бўлган шахсларга тарқатилди.

Иштихон тумани ҳокимлиги ахборот хизмати.