"Ош фестивали" муносабати билан галаконцерт ташкил этилади

1, 2, 3 август кунлари Самарқанд шаҳрида “Ош фестивали” бўлиб ўтади.

Фестиваль 3 кун ташкил этилади:

1-кун – маҳаллий ошпазлар иштирокида мусобақа (Султон Ҳованд Бека мақбараси - Ашратхонада);

2-кун – хорижий ошпазлар иштирокида мусобақа (Алишер Навоий кўчасида);

3-кун – 7 тонна ош тайёрлаш жараёни (“Боқий шаҳар” мажмуасида);

“Боқий шаҳар”да ташкил этиладиган фестиваль якунида концерт дастурлари ва танлов ғолибларини тақдирлаш маросими бўлиб ўтади.

Унда пойтахтлик таниқли санъаткорлар – Нилуфар Усмонова, Муҳаммадзиё, Лола Аҳмедова ҳамда Ойбек ва Нигора ўз чиқишлари билан иштирок этади.

Кириш барча учун бепул!

Тайёрланган ош ногиронлиги бўлган болаларни ихтисослаштирилган мактаб-интернатлари, меҳрибонлик ва саховат уйлари каби муассасаларга етказиб берилади.

Самарқанд шаҳар ҳокимлиги ахборот хизмати.