Аграр соҳада наноишланмалар татбиқ этилади
Каттақўрғон тумани ҳокимлиги, “Щёлково Агрохим – Ўзбекистон” Россия – Ўзбекистон қўшма корхонаси Самарқанд ветеринария медицинаси институти билан ҳамкорликда олимларнинг наноишланмаларини қишлоқ хўжалигига татбиқ этишга қаратилган семинар ўтказилди.
Агрокластерлар деҳқон ва фермер хўжаликлари бошлиқлари ва соҳага алоқадор корхоналар раҳбарлари иштирок этган семинарда қўшма корхона, вилоят “Чорванасл” маркази раҳбарлари, Самарқанд ветеринария медицинаси институти ўқитувчилари қишлоқ хўжалигига янги агротехнологияларни жалб этиш, унинг ҳосилдорликка таъсири, қишлоқ хўжалик экинларида янги касалликларнинг пайдо бўлаётгани, ҳашаротларнинг йил сайин кўпайиб бораётгани ва уларни бартараф этиш йўллари хусусида маруза қилдилар.
Йўлдош СУЮНОВ.
