АИ-95 маркали бензин арзонлашади
«Ўзбекнефтгаз» АЖ "UNG" миллий бренди остидаги ёқилғи қуйиш шохобчалари тармоғи орқали сотилаётган нефть маҳсулотларининг нархини арзонлаштириш босқичма-босқич амалга оширилмоқда.
10 ноябрдан бошлаб ушбу АЁҚШлардаги импорт қилинган АИ-95 нархи 6600 сўмдан 6300 сўмга арзонлаштирилади.
“Бизнинг корхона бозор муносабатларига тўлиқ амал қилади. Маҳсулот таннархи пасайса, уни сотиш нархи ҳам албатта, камайтирилади. Бундан кейин ҳам бу амалиёт давом эттирилади”, дейди «UNG Petro» корхонаси директори Мирзоҳид Мусаев.
АЁҚШларда сотилаётган маҳсулот турлари, уларнинг нархлари ҳамда жойлашган манзиллари ҳақида тўлиқ ва аниқ маълумотларни @UNG_Petro_Bot телеграм канали орқали олишингиз мумкин.
