Акулалар неча йил яшайди?

Белград ҳайвонот боғида дунёдаги энг кекса тимсоҳ яшайди. Иккинчи жаҳон урушини бошдан кечирган бу жонивор 85 ёшда. Акулалар олдида бу нима бўбди, деб ёзади “АиФ” ҳафтаномаси 2021 йил, 27-сонида.

Умуртқалилар орасида рекордчи – греланд қутб акуласи. Таҳлил кўрсатдики, унинг ўртача ёши – 272 да. Тадқиқотчилар аниқлаган энг катта ёшли акула (узунлиги 5 метр) 400 ёшда экан. Калькуттадаги ҳайвонот боғида улкан тошбақа 256 ёшгача яшаган. Греланд кити, денгиз қизил типратикони ва алеут денгиз балиғи 200 ёшдан кўпроқ яшайди.

Хитойда яшовчи карплар 100-200 йил ўзларини яхши ҳис қилишади (ана шундай бир балиқ 226 ёшда ўлган). Кўп ҳолларда Оси филлари, ара тўтиқуши, касаткалар 100 йилгача бемалол яшайди.

Талончига ҳайкал

Нью-Жерси штатида Ньюар шаҳар кенгаши биноси олдида Жорж Флойга тантанали равишда ҳайкал ўрнатилди, деб хабар беради Cite of Nework/Twiter сайти. Собиқ талончи, наша савдогари ва сохта тангачи ўриндиқда ҳордиқ олаётган тарзда тасвирланган. Ҳайкал олди эсдалик суратга тушувчилар билан гавжум.

Жарима бўйича интернет орқали баҳслашиш мумкин

Яқинда Россия ҳукумати Давлат йўл ҳаракати хавфсизлиги маҳкамасига видеокузатув камераси ёрдамида олинган тасвир билан шикоят қилиш янги қоидасини жорий этди.

Энди ҳайдовчилар ўзлари ҳақлигини “давлат хизматлари” портали орқали исботлашлари мумкин. Қоида 2021 йил 1 сентябрдан кучга киради.

Т.Шомуродов тайёрлади.