“Амир Темур ўғлонлари” ва “Жалолиддин Мангуберди ворислари” спорт мусобақаси ғолиблари аниқланди

Бугун Марказий ҳарбий округининг Самарқанд гарнизонидаги ҳарбий қисмда вилоят ҳарбий-маъмурий сектор раҳбари соврини учун умумий ўрта таълим мактабларининг 10-, 11-синф ўқувчилари ўртасида “Амир Темур ўғлонлари” ва “Жалолиддин Мангуберди ворислари” спорт мусобақаси ўтказилди.

Унда вилоятнинг барча шаҳар-туманларидан келган ўқувчилар “Сафда қўшиқ айтиш”, “Ҳарбий эстафета”, ”Жабрланувчига биринчи ёрдам кўрсатиш” ва “Темур тузуклари билимдони” шартлари бўйича баҳслашди.

Муросасиз кечган баҳсда Каттақўрғон тумани жамоаси биринчи, Пахтачи тумани жамоаси иккинчи ва Паст Дарғом тумани жамоаси учинчи ўринни қўлга киритди.

Тадбирда Мудофаа вазирининг ўринбосари Алишер Норбоев иштирок этди.

Ғолиблар ҳамда фаол иштирокчиларга ҳарбий маъмурий сектор ва вилоят ҳокимлигининг диплом ва қимматбоҳо совғалари топширилди.