АҚШ ҳукумати Гонконгга нисбатан янги санкциялар жорий этилишини тасдиқлади
АҚШ вакиллар палатаси Гонконгга нисбатан янги санкциялар жорий этилишини тасдиқлади. Янги санкциялар муҳолифатчиларни ҳибсга олган полициячилар, ХХР вакиллари билан ҳамкорлик қилаётган банклар, миллий хавфсизлик тўғрисидаги қонунни ёқлаган амалдорлар кабиларга нисбатан қўлланилади. Бу ҳақда Россия марказий телеканаллари хабар бермоқда.
Ҳуқуқни ҳимоя қилиш ташкилотларининг фикрига кўра, Гонконгда жорий этилган янги қонун Хитой ҳукуматига Гонконгдаги “бошқача” фикрловчи фуқароларни узоқ йилларга қамаш имконини беради.
Бунга жавобан АҚШ Гонконгнинг дунё савдо марказига айланишига ёрдам берган “алоҳида статусини” бекор қилишга киришди. АҚШ эндиликда автоном ҳудуд бўлган Гонконгга нисбатан муносабатини ўзгартириб, унга ҳам Хитойга қилингани каби муносабатда бўлиш билан таҳдид қилмоқда.
