AQShda bolalar orasida nafas yo‘llari virusi tarqalishi ko‘paymoqda

Qo‘shma Shtatlardagi bolalar shifoxonalari nafas olish yo‘llari virusi – respirator-sinsitial tarqalishi tufayli to‘ldi. Bu haqda The Hill xabar berdi.

Qayd etilishicha, Xartforddagi Konnektikut tibbiyot muassasasi bemorlar soni ko‘pligi sababli imkoniyat darajasidan chiqib ishlamoqda. Shifokorlar Milliy gvardiya va Favqulodda vaziyatlar Federal agentligi bilan bemorlarni qabul qilish uchun chodirlar joylashtirish bo‘yicha muzokaralar olib bormoqda.

Konnektikutdagi bolalar tibbiyot markazining bosh shifokori doktor Xuan Salazarning aytishicha, nafas yo‘llari infeksiyasi bilan kasallanish sentyabr oyi boshidan buyon g‘ayritabiiy darajada avj olgan. Nbyu-Xeyven bolalar kasalxonasi bir hafta ichida ikki barobar ziyod – 57 dan 106 gacha bemor qabul qildi.

Avgustda Texas shtatida AQShda maymunchechakdan birinchi o‘lim qayd etilgan edi.