“Божхона маликалари” - билимли, зукко, чаққон, жанговар тайёргарликка эга қизлар

Самарқанд шаҳрида 8 март – Халқаро хотин-қизлар куни байрами муносабати билан Давлат божхона органларида хизмат қилаётган хотин-қизлар ўртасида “Божхона маликалари” республика кўрик-танловининг минтақавий босқичи ўтказилди.

Танловда Самарқанд, Навоий ва Жиззах вилоятлари божхона бошқармаларидан 1 нафардан аёл ходим таништирув, жанговар шайлик, қисқа савол-жавоб, пазандалик ва эркин мавзу шартлари бўйича ўзаро беллашди.

Танлов натижасига кўра, Самарқанд вилояти божхона бошқармаси “Жартепа” чегара божхона пости катта инспектори Дилрабо Азизова ғолибликни қўлга киритиб, танловнинг финал босқичига йўлланма олди.