Бугундан АЁҚШларда арзон нархда бензин чиқарилади
“Ўзбекнефтгаз” АЖга қарашли АЁҚШларда бугун, 26 ноябрь соат 21:30 дан бошлаб АИ 80 маркадаги бензин 6890 сўмдан сотувга чиқарилади.
“Ўзбекнефтгаз” АЖга тегишли АЁҚШларда сўнгги кунларда бензин тақчиллиги кузатилгани сабабли интернет ижтимоий тармоқларида танқидий муҳокамалар бўлди.
Шундан сўнг, тақчилликнинг олдини олиш учун “Ўзбекнефтгаз” АЖ ва “Товар хомашё биржаси” АЖ ҳамкорлигида мазкур ишга қўл урилди.
Натижада “Ўзбекнефтгаз” АЖга қарашли АЁҚШларда бугун, 26 ноябрь кунидан бошлаб соат 21:30дан буён “АИ-80” маркадаги бензин 6890 сўмдан сотувга чиқариладиган бўлди.
Республика ҳудудидаги “Ўзбекнефтгаз” АЖнинг барча АЁҚШларда бензин бўлиши таъминланади, дейилади жамият хабарида.
