Чекишни ташлаш учун 25 сабаб

Бугун, 31 май – Бутунжаҳон тамакига қарши кураш куни! Мазкур сана БМТ томонидан расман таъсис этилган. Мутахассислар тамакига қарши кураш куни арафасида чекишни ташлаш учун энг муҳим 25 сабабни эслатиб ўтишди. Қуйида улар билан танишасиз.

1. Умрингиз узаяди.
2. Саломатлигингиз яхшиланади.
3. Тамаки истеъмол қилиш натижасида юзага келадиган оғир сурункали касалликлар хавфи сезиларли даражада камаяди.
4. Нафас олишингиз осонлашади, ўпкангиз кучлироқ ва тоза бўлади.
5. "Чекувчи йўтали" йўқолади.

6. Сиздан тамаки ҳиди келмайди, тишларингиз оқаради ва кучлироқ бўлади.
7. Сочларингиз соғломлашади.
8. Кийимларингиздан тутун ҳиди келмайди.
9. Бармоқларингиз учларида тамаки ҳиди бўлмайди ва сарғаймайди.
10. Сиз чекувчилар каби тез қаримайсиз.
11. Юз терингиз тиниқлашади.
12. Танангиздаги куч ва энергия фаоллашади.

13. Бошқаларга қараганда тезроқ ва узоқроқ югуришингиз ёки машқ қилишингиз мумкин.
14. Пулларингиз иқтисод қилинади, чунки кунига фалон пул турадиган сигаретдан бир қути чексангиз, бир йилда тежаб қолган пулингиз қанча бўлишини ҳисоблаб чиқиш қийин эмас.

15. Ҳид ва таъм сезиш ҳисларингиз сезиларли даражада яхшиланади, таомлар анча мазали бўлади.
16. Бўш вақтингиз кўпаяди.

17. Кейинга қолдирмасдан, ҳозир ташлаш осон.
18. Энди сиз ўзингиз ва бошқалар соғлиғига зарар етказмайсиз. Ёнингизда бўлиш бошқаларга ноқулайлик туғдирмайди.
19. Чекмайдиган янги дўстлар орттиришингиз мумкин.
20. Энди сигаретни сотиб олиш кераклиги ҳақида бош қотирмайсиз.
21. Сиз бошқаларга ўрнак бўласиз.
22. Яхшироқ ухлайсиз.

23. Энди чекишни ота-онангиз ва яқинларингиздан яширишингиз шарт эмас.
24. Соғлом насл қолдиришингизга ишончингиз комил бўлиши мумкин.
25. Миянгиз яхши ишлайди ва тезроқ қарор қабул қила бошлайсиз.