Давлат ва жамоат эҳтиёжлари учун ер участкасини олиб қўйиш бўйича тақдимот материалларини кўриб чиқиш ва мулкдорлар билан очиқ муҳокама ўтказиш тўғрисида

Халқ депутатлари Самарқанд вилояти Кенгашининг Қарори

Ўзбекистон Республикаси Вазирлар Маҳкамасининг 2019 йил 16 ноябрдаги 911-сонли қарори билан тасдиқланган “Ер участкалари олиб қўйилиши ва олиб қўйилаётган ер участкасида жойлашган кўчмас мулк объектлари мулкдорларига компенсация бериш тартиби тўғрисида”ги Низом, Ўзбекистон Республикаси Президентининг 2019 йил 26 июль куни Самарқанд вилоятига ташрифи давомида берилган топшириқлар ва вилоят фаоллари билан ўтказилган йиғилиш баёнининг 56-бандига мувофиқ, Самарқанд шаҳрини Оқдарё туманининг «Бошдархон» маҳалла фуқаролар йиғини "Р.Ҳамраев" массиви билан боғловчи Зарафшон дарёси устидан ўтувчи янги кўприк қурилиши муносабати билан мазкур ҳудудда жойлашган жами 51 та объект (49 та турар жой, 2 та нотурар жой) мулкдорларидан ер участкасини давлат ва жамоат эҳтиёжлари учун олиб қўйиш юзасидан тайёрланган тақдимот материалларини кўриб чиқиб “Маҳаллий давлат ҳокимияти тўғрисида”ги Ўзбекистон Республикаси Қонунининг 6 ва 24-моддаларига асосан халқ депутатлари Самарқанд вилояти Кенгашининг олтинчи чақириқ эллик олтинчи сессияси ҚАРОР ҚИЛАДИ:

1. Самарқанд шаҳрини Оқдарё туманининг «Бошдархон» маҳалла фуқаролар йиғини "Р.Ҳамраев" массиви билан боғловчи Зарафшон дарёси устидан ўтувчи янги кўприк қурилиши муносабати билан мазкур ҳудудда жойлашган жами 51 та объект (49 та турар жой, 2 та нотурар жой) мулкдорларидан ер участкасини давлат ва жамоат эҳтиёжлари учун олиб қўйиш юзасидан тайёрланган тақдимот материаллари маъқуллансин.

2. Вилоят ҳокимининг ўринбосарлари (Ж.Ўроқов, А.Шукуров) ва Самарқанд шаҳар ҳокимлиги (Б.Облоқулов)га Самарқанд шаҳрини Оқдарё туманининг Бошдархон маҳалла фуқаролар йиғини Р.Ҳамраев массиви билан боғловчи кўприк қурилиши муносабати билан иловага мувофиқ, «Зарафшон» маҳалласи ҳудудида жойлашган мулк эгалари билан Ўзбекистон Республикаси Вазирлар Маҳкамасининг 2019 йил 16 ноябрдаги 911-сонли қарори билан тасдиқланган “Ер участкалари олиб қўйилиши ва олиб қўйилаётган ер участкасида жойлашган кўчмас мулк объектлари мулкдорларига компенсация бериш тартиби тўғрисида”ги Низом талаблари асосида очиқ муҳокамалар ўтказишга рухсат берилсин.

3. Вилоят ҳокимлиги Ер участкалари олиб қўйилиши ва компенсация бериш ишларини мувофиқлаштириш шўъбаси (Н.Қудратов) ушбу қарорни ҳокимликнинг расмий сайтида, шунингдек оммавий ахборот воситаларида эълон қилинишини таъминласин.
4. Мазкур қарорнинг ижросини назорат қилиш халқ депутатлари вилоят Кенгашининг Саноат, транспорт, қурилиш, коммунал соҳа ва аҳолига хизмат кўрсатиш масалалари бўйича доимий комиссияси (Ў.Саидмуродов) ва вилоят ҳокимининг ўринбосари (А.Шукуров) зиммасига юклансин.

Сессия раиси                             Ф.ТОШЕВ

2022 йил 15 февраль

***

Халқ депутатлари Самарқанд вилояти Кенгашининг 2022 йил 15 февралдаги VI-56-27-7-0-K/22-сон қарорига 1-илова

Самарқанд шаҳрини Оқдарё туманининг "Бошдархон" маҳалла фуқаролар йиғини "Р.Ҳамраев" массиви билан боғловчи кўприк қурилиши муносабати билан очиқ муҳокамалар ўтказилиши белгиланган Самарқанд шаҳар “Зарафшон” МФЙ ҳудудидаги объектлар мулкдорлари
Р Ў Й Х А Т И