Davlat va jamoat ehtiyojlari uchun yer uchastkasini olib qo‘yish bo‘yicha taqdimot materiallarini ko‘rib chiqish va mulkdorlar bilan ochiq muhokama o‘tkazish to‘g‘risida

Xalq deputatlari Samarqand viloyati Kengashining Qarori

O‘zbekiston Respublikasi Vazirlar Mahkamasining 2019 yil 16 noyabrdagi 911-sonli qarori bilan tasdiqlangan “Yer uchastkalari olib qo‘yilishi va olib qo‘yilayotgan yer uchastkasida joylashgan ko‘chmas mulk ob’yektlari mulkdorlariga kompensatsiya berish tartibi to‘g‘risida”gi Nizom, O‘zbekiston Respublikasi Prezidentining 2019 yil 26 iyul kuni Samarqand viloyatiga tashrifi davomida berilgan topshiriqlar va viloyat faollari bilan o‘tkazilgan yig‘ilish bayonining 56-bandiga muvofiq, Samarqand shahrini Oqdaryo tumanining «Boshdarxon» mahalla fuqarolar yig‘ini "R.Hamrayev" massivi bilan bog‘lovchi Zarafshon daryosi ustidan o‘tuvchi yangi ko‘prik qurilishi munosabati bilan mazkur hududda joylashgan jami 51 ta ob’yekt (49 ta turar joy, 2 ta noturar joy) mulkdorlaridan yer uchastkasini davlat va jamoat ehtiyojlari uchun olib qo‘yish yuzasidan tayyorlangan taqdimot materiallarini ko‘rib chiqib “Mahalliy davlat hokimiyati to‘g‘risida”gi O‘zbekiston Respublikasi Qonunining 6 va 24-moddalariga asosan xalq deputatlari Samarqand viloyati Kengashining oltinchi chaqiriq ellik oltinchi sessiyasi QAROR QILADI:

1. Samarqand shahrini Oqdaryo tumanining «Boshdarxon» mahalla fuqarolar yig‘ini "R.Hamrayev" massivi bilan bog‘lovchi Zarafshon daryosi ustidan o‘tuvchi yangi ko‘prik qurilishi munosabati bilan mazkur hududda joylashgan jami 51 ta ob’yekt (49 ta turar joy, 2 ta noturar joy) mulkdorlaridan yer uchastkasini davlat va jamoat ehtiyojlari uchun olib qo‘yish yuzasidan tayyorlangan taqdimot materiallari ma’qullansin.

2. Viloyat hokimining o‘rinbosarlari (J.O‘roqov, A.Shukurov) va Samarqand shahar hokimligi (B.Obloqulov)ga Samarqand shahrini Oqdaryo tumanining Boshdarxon mahalla fuqarolar yig‘ini R.Hamrayev massivi bilan bog‘lovchi ko‘prik qurilishi munosabati bilan ilovaga muvofiq, «Zarafshon» mahallasi hududida joylashgan mulk egalari bilan O‘zbekiston Respublikasi Vazirlar Mahkamasining 2019 yil 16 noyabrdagi 911-sonli qarori bilan tasdiqlangan “Yer uchastkalari olib qo‘yilishi va olib qo‘yilayotgan yer uchastkasida joylashgan ko‘chmas mulk ob’yektlari mulkdorlariga kompensatsiya berish tartibi to‘g‘risida”gi Nizom talablari asosida ochiq muhokamalar o‘tkazishga ruxsat berilsin.

3. Viloyat hokimligi Yer uchastkalari olib qo‘yilishi va kompensatsiya berish ishlarini muvofiqlashtirish sho‘’basi (N.Qudratov) ushbu qarorni hokimlikning rasmiy saytida, shuningdek ommaviy axborot vositalarida e’lon qilinishini ta’minlasin.
4. Mazkur qarorning ijrosini nazorat qilish xalq deputatlari viloyat Kengashining Sanoat, transport, qurilish, kommunal soha va aholiga xizmat ko‘rsatish masalalari bo‘yicha doimiy komissiyasi (O‘.Saidmurodov) va viloyat hokimining o‘rinbosari (A.Shukurov) zimmasiga yuklansin.

Sessiya raisi                             F.TOShEV

2022 yil 15 fevral

***

Xalq deputatlari Samarqand viloyati Kengashining 2022 yil 15 fevraldagi VI-56-27-7-0-K/22-son qaroriga 1-ilova

Samarqand shahrini Oqdaryo tumanining "Boshdarxon" mahalla fuqarolar yig‘ini "R.Hamrayev" massivi bilan bog‘lovchi ko‘prik qurilishi munosabati bilan ochiq muhokamalar o‘tkazilishi belgilangan Samarqand shahar “Zarafshon” MFY hududidagi ob’yektlar mulkdorlari
R O‘ Y X A T I