Экология бошқармаси: Самарқанд шаҳрида биргина июль ойида 150 дан ортиқ белгиланмаган жойларда чиқинди ташлаш ҳолати кузатув камералари орқали қайд этилган
Шаҳар ҳудудларида ўрнатилган кузатув камералари орқали фуқароларнинг белгиланмаган ерларга турли хилдаги чиқиндиларни ташлаб келаётганлиги, энг ачинарлиси, ушбу фуқаролар огоҳлантиришларга қарамай шаҳарни қасддан ифлослантиришга уринишлари аниқланиб, уларга нисбатан жарималар белгилаб келинмоқда.
Айни пайтда ушбу аниқланган ҳолатлар юзасидан ҳуқуқбузарлик содир этганларга нисбатан ЎзРМЖтКнинг 91-моддаси 1-қисми билан маъмурий жарима қўлланилиб, ҳар бирига 1 млн. 20 минг сўм миқдорида маъмурий жарималар расмийлаштирилган.
