Энг зарарли 10 озиқ-овқат маҳсулоти
Мутахассислар озиқ-овқат маҳсулотлари ичида энг зарарли 10 маҳсулотни эълон қилишди, афсуски уларнинг аксарияти кундалик ҳаётимизда ишлатилади.
1.Чипслар
Чипслар ун ва крахмалдан лаззатлар ва лаззат кучайтиргичлар қўшилган ҳолда тайёрланади. Бундай аралашма нафақат ортиқча вазн пайдо бўлишига, балки жигарнинг бузилиши, юрак хуружи ва атеросклеротик касалликларга ҳам сабаб бўлади. Бундан ташқари, ушбу организм учун зарарли маҳсулот таркибидаги компонентлар ҳужайра даражасида мутацияга олиб келади ва онкологияга олиб келиши мумкин.
2. Консерва ва колбасалар
Бу маҳсулотлар фақат табиий гўштни ўз ичига олса, фойдали деб аташ мумкин. Бироқ, улар таркибида яширин ёғлар, стабилизаторлар, эмулсификаторлар, ранг берувчилар ва диабет, юрак касалликлари ва саратон ривожланиш хавфини оширадиган бошқа қўшимчалар мавжуд.
Кўпгина ишлаб чиқарувчилар уларга трансген сояни қўшадилар, бу эса гербицидларни тўплашга мойилдир. Хавфли кимёвий моддалар аллергия келтириб чиқариши ва ички секреция безларининг фаолиятини бузиши исботланган.
3. Кетчуп ва майонез
Бу мазали қўшимчалар ҳам маълум сабабга кўра носоғлом овқатлар рўйхатида. Кимёвий қўшимчалардан ташқари, кетчуп таркибида диабет, кариес ва ошқозон-ичак касалликларини қўзғатувчи кўп шакар мавжуд. Майонезга келсак, унинг таркибий қисмларидан бири транс ёғлари бўлиб, кўплаб салбий оқибатларга олиб келиши мумкин.
4. Хот-дог
Сосиска билан булочканинг нимаси ёмон дейишингиз мумкин. Бироқ, замонавий сосискаларда овқат ҳазм қилиш тизимини безовта қилувчи ва овқат ҳазм қилиш тизимига салбий таъсир кўрсатадиган соя ва Е-компонентлар мавжуд. Сосискаларнинг энг хавфли таркибий қисмларидан бири бу мононатрий глутамат бўлиб, сосискаларни одамлар учун энг зарарли озиқ-овқатлар қаторига киритади. Aсаб тизимига таъсир қилиб, очлик туйғусини сусайтиради ва одамларни кераклидан кўпроқ овқатланишга ундайди. Натижада, ошқозон чўзилиб, белда ёғ қатлами тўпланади.
5. Попкорн
Маккажўхори ўзи юқори калория таркибидан ташқари хавфли эмас. У организмга фойдали бўлган хун толаси ва витаминларни ўз ичига олади. Aммо маккажўхори мой, туз, кимёвий қўшимчалар билан карамелизация ва лаззатни яхшилаш учун бирлаштирилганда ҳамма нарса ўзгаради. Бундай ҳолда, унинг озуқавий қиймати янада ошади ва кўп миқдорда туз буйраклар билан боғлиқ муаммоларга ва қон босимининг ошишига олиб келади.
6. Ширинлик ва шоколадлар
Ортиқча вазннинг пайдо бўлиши, диабет, аллергик реакциялар, тишлар саломатлигига путур етказиши билан бирга шоколадли маҳсулотлар ва ширинликлар таркиби ҳеч қандай озуқавий қийматга эга эмаслиги ва осон ҳазм бўлувчи қанд миқдори бўйича хавфлилик даражаси энг кўп маҳсулот саналади.
Улар организм саломатлигига салбий таъсир кўрсатадиган эмулсификаторлар, шакар маҳсулотлари, сунъий бўёқлар ва бошқа қўшимчаларни ўз ичига олади.
7. Маргарин
Майонез сингари, маргарин ҳам тўйинмаган ёғларни ўз ичига олади. Бу эса уни инсон саломатлиги учун зарарли маҳсулотга айлантиради.
Маргарин бугунги кунда юрак, жигар ва қон томирлари учун хавфли бўлган водородланган кунгабоқар ёғидан тайёрланади.
Маълумки, айнан маргаринли маҳсулотлар целлюлит ва холестерин қабариқчалари шаклланишига сабабчи бўлади. Маргарин ва гўзаллик бир-бирига ёт тушунчалар эканлигини унутманг.
8. Оқ нон
Олий навли ундан тайёрланган нон маҳсулотлари организм тез ўзлаштирувчи углеводлардан ҳисобланади. Бу эса ўз ўрнида юқори калория демакдир.
Олий навли ун маҳсулотлари истеъмолидан йиғилган ортиқча ёғ захиралари белда тўпланади ва аста-секин семиришга олиб келади.
Бундан ташқари, нон таркибидаги турли қўшимчалар овқат ҳазм қилиш тизимига салбий таъсир этиши кузатилган. Шу сабабли мутахассислар жавдар ва кепакли нон истеъмол қилишни тавсия этишади.
9. Газланган ширин ичимликлар
Газли ширин сувлар таркибида шакар миқдори юқори бўлгани билан хавфлидир.
У ошқозон ости бези фаолиятига салбий таъсир кўрсатади. Уларни ишлаб чиқаришда шакар эмас турли хил шакар ўрнини босувчи маҳсулотлар қўлланган бўлса ҳам, зарарли маҳсулотлар 10 талиги сирасига киради.
Чунки:
А. Целлюлит пайдо бўлишига олиб келади.
Б. Оғиз бўшлиғининг шиллиқ қаватини безовта қилиш ҳисобига чанқоқлик ҳиссини оширади.
В. Организмдаги метаболизм ва кислоталар мувозанатини ишдан чиқаради.
10. Тез тайёрланувчи макарон маҳсулотлари.
Саломатлик учун зарарли маҳсулотларни санаётганда тезкор ҳаёт тарзимизнинг бир қисмига айланиб бораётган тез тайёр бўлувчи макарон маҳсулотларини айтмасликнинг иложи йўқ.
Унинг асосий зарари метаболизмни бузишидир. Тез тайёр бўлувчи маҳсулотлар тезда тўйимлилик ҳиссини берса-да, аммо таркибида керакли озуқа моддалари мавжуд эмас. Шунинг учун қисқа фурсатда организм яна очлик ҳиссини туяди. Бу эса ўз ўрнида ички касалликлар ҳамда ортиқча вазн муаммосига сабаб бўлади.
