"Ералаш" ҳажвий журнали асосчиси Борис Грачевский вафот этди
- 15.01.2021 10:38
- 76
- Хориж

Бу ҳақда унинг рафиқаси Екатерина Белоцерковская ТАСС агентлигига маълумот берди.
Коронавируснинг оғир асоратлари туфайли Грачевскийнинг аҳволи ёмонлашди. 14 январь куни у медикаментоз комага туширилиб, экстракорпорал мембранани оксигенациялаш аппарати (ўткир нафас етишмовчилиги пайтида қонни кислород билан тўйинтирадиган ускуна)га уланган.
Грачевский коронавирус билан декабрь ойи охирида касалланган эди. Дастлаб у уй шароитида даволанган, кейинчалик реанимация бўлимига ётқизилган.
Борис Грачевский 2002 йилдан бери «Ералаш»нинг бадиий раҳбари. Шунингдек, у "Том" ва "Ноталар орасида ёки Тантрик симфония" фильмларини саҳналаштиргани билан танилган, "Ижтимоий реклама" лойиҳаси муаллифи сифатида фаолият юритган.
Грачевский узоқ йиллар тери саратони билан курашди. Бу ҳақда у 2018 йилги "Инсон тақдири" дастурида гапириб берган эди. Ўтган йили 18 мартда режиссёр 71 ёшга тўлган эди.
Ўхшаш хабарлар
Сўнгги янгиликлар
“Ташаббусли бюджет”: 129 овоздан 17083 тагача
- Бугун, 18:12
- Ўзбекистон
Дунёдаги ғайриоддий кинотеатрлар
- Бугун, 14:39
- Ўқинг, қизиқ!
Ноқонуний қурилишларга барҳам берилади(ми?)
- Бугун, 10:39
- Самарқанд