Футбол, "Евро-2024": Бугун нимчорак финал ўйинлари бошланади
Футбол бўйича Германия яшил майдонларида ўтказилаётган Европа чемпионати баҳсларининг плей-офф ўйинлари бугун, 29 июндан бошланади. Кун давомида мухлислар 2 та ўйинни томоша қилади.
Мазкур босқичда “А” гуруҳида 2-ўринни эгаллаган Швейцария терма жамоаси “B” гуруҳида 2-ўринни банд этган Италия терма жамоаси билан баҳс олиб борса, мезбон Германия “C” гуруҳида 2-ўрин билан плей-офф босқичига чиққан Дания терма жамоаси билан куч синашади.
Маълумот учун, Швейцария-Италия ўйини Тошкент вақти билан соат 21:00 да, Германия-Дания учрашуви соат 23:59 да старт олади. Швейцария-Италия жуфтлиги ғолиби чорак финалда Англия-Словакия баҳсида ютган терма жамоа билан тўқнаш келади. Германия-Дания баҳси ғолиби эса кейинги босқичда Испания-Грузия қарама-қаршилигида зафар қучган терма билан баҳс олиб боради.
Нимчорак финал жуфтликлари
29 июнь, шанба
21:00 Швейцария — Италия
23:59 Германия — Дания
30 июнь, якшанба
21:00 Англия — Словакия
23:59 Испания — Грузия
1 июль, душанба
21:00 Франция — Бельгия
23:59 Португалия — Словения
2 июль, сешанба
21:00 Руминия — Нидерландия
23:59 Австрия — Туркия
