Ҳайдовчи ва йўловчи эътирози ёхуд йўлдаги суҳбат

Самарқанд шаҳридаги Кимёгарлар шаҳарчаси ва "Мармар бозори" йўналишларида ҳаракатланувчи 6-автобуснинг йўловчилари ҳар доим кўп. Бугунги пандемия шароитида автобусда йўловчи кўплиги боис такси тўхтатдим ва манзилимни айтдим.

- Опа, 10 минг сўм бўлади, - деди ҳайдовчи.

- Сал арзонроқ қилинг, олдинлари 5 минг сўмга манзилимизга кетардик-ку, - дейман кўнглим хижил бўлиб.

- Опа, олдинлари битта машинада 4 нафар йўловчини олардик, ҳозир карантин қоидаларига кўра, машина салонида фақатгина икки йўловчи билан ҳаракатланишимиз лозим, - деди тушунтирган бўлиб.

Математик жиҳатдан ҳисоб-китоб қиладиган бўлсак ҳайдовчининг эътирозлари тўғри, аммо йўловчилар “чўнтаги” билан ким ҳисоблашади?..

Насиба Жонтўраева.