Исмат Санаевнинг “Машраб” китоби тақдимоти ўтказилди

Пахтачи туманидаги 32-умумий ўрта таълим мактабида Ўзбекистон Ёзувчилар уюшмаси аъзоси, адабиётшунос олим, таниқли шоир Исмат Санаев билан ижодий учрашув ўтказилди.
Унда шоирнинг ижодий фаолияти, унинг энг сара асарлари ҳақида сўз юритилиб, адиб қаламига мансуб “Машраб” китобининг тақдимоти бўлиб ўтди. Ўқувчилар ҳам шоир ижодига бефарқ эмаслигини кўрсатди. Улар И.Санаевнинг китоблари, олиб борган изланишлари, асарлари, Зиёвуддин ва Добусия тарихи ҳақида жўшиб гапиришди. Ёзувчининг янги “Машраб” китобидаги мухаммас ва ғазаллар кечага янада жўшқинлик берди.

 С.Қиличева