Испаниянинг Ла Нусия шаҳрида ўтказилган “Boxam” халқаро турнирида Ўзбекистон терма жамоаси 4 олтин ва 2 бронза медалини қўлга киритди

-92 кг. вазнда жанг олиб борган боксчимиз Шоҳжаҳон Абдуллаев рақиби, мезбон давлат боксчиси Реес Пла Эммануел рингга чиқмагани сабабли Шоҳжаҳон Абдуллаев мусобақани олтин медаль билан якунлади. Шунингдек, вазни -63,5 кг. бўлган Мужибилло Турсунов финалда Амит Кумар (Ҳиндистон) устидан зафар қучиб, мусобақа ғолибига айланди.

Турнир давомида -71 кг. вазн тоифасида рингга кўтарилган Ҳавасбек Асадуллаев мексикалик Марcо Вердени таслим этиб, шоҳсупанинг энг юқори поғонасидан жой олди. -80 кг. вазндаТўрабек Ҳабибуллаев мезбонлар вакили Бернал Пабло Cойни енгиб, делегациямизга яна бир олтин медални келтирди.

Эслатиб ўтамиз, мусобақада Лазизбек Муллажонов ва Руслан Абдуллаев ўз вазн тоифасида бронза медалига сазовор бўлган эди.